Amaya

Daloy ng kamay ko paakyat sa iyong balikat
Sipol ng aking hinga patungo sa iyong tainga
Sabay halik sa porselan mong pisngi
Sabay halik sa mata mong nakapikit

Salubong ng hangin sa gitna ng ating labi
Palitan ng laway sa init ng ating dila
Gabay ang iyong kamay sa aking dibdib
Gabay ang aking bewang ng iyong kamay

Nakapikit Nakalutang Nasa tiempo
Galaw natin parang dinikta noon pa
Pawis ay naging langis sa ating yakap
Pawis ay naging init sa gitna ng hamog

Kaya Ngiti. Sabay pikit.
Hinga malalim. Sabay yakap.
Dahil ngayon ang langoy ng orasan ay nasa atin.

Gunita

Uy panaginip, dinala ako sa dating ihip
Memorya ng mga panata, sarap ng gunita
Ang pagbaybay sa init at pagkabinata
Alak nga lang pala ang madalas
naglatha

Paslit ng kalsada sa harap na tindahan
Pautang muna please Manang Aling Nena
Sa riles ng tren akoy nakipaglaro
Sabay hithit sa puting usok pangpaklaro

Nag baybay sa may liwanag ng Ayala
Para manong kulang ng singkwenta
Tingi na sigarilyo, Hope para pangpahilo
Ok lng naman, sagot ang alak ni Chona

Uy amats na pare koy tara na
Sabog nanaman bukas sa eskwela
Kanino kaya kokopya? Miss hello!
Sagot ko na siopao at soda miss

Sarap ng gunita, Simple na Salita
Ngiti sa alaala, Bukas uli ang kita